جْمَافُو كتبه بوزنداك محمد

جْمَافُو

بوزنداك محمد:

لم أعنون هده السطور بهدا العنوان حتى عرفت راسي غادي نقودها بلبيان. صادفت و أنا أشاهد أخبار منتصف النهار على القناة الثانية المغربية –ليوم الأربعاء 4 فبراير 2009- مفارقة عجيبة؛ شاهدت فتاة صغيرة كتقطع القلب في مخيم الكرامة الجديد شمالي قطاع غزة، طفلة كانت عباراتها البريئة تعبر عن مدى معاناة أهل هذه المنطقة و هي تطلب من مرسلي الخيام و المساعدات أن يرسلوا معها لعبا لتؤنس هؤلاء الأطفال في وحدتهم في ذاك الخلاء الذي يملؤه الدمار و في آخر الربورطاج أظهروا أطفالا يلعبون بالزعلولة التي صنعوها بأنفسهم من أطلال بيوتهم المدمرة، إوا أجيو تشوفو الزعلولة ديال لمعقول في شمال المغرب و وسطه الجنوبي بنادم مدابز غير مع الطبيعة ما كاين لا صوارخ و لا عبوات ناسفة كاين غير التلج و شي قطيرات ديال لما هما للي طلبوها بصلوات لإستسقاء. ما عرفت أنا علاش تنطلبو من الله شي حاجة حنا أصلا مكادينش عليها؛ تنطلبو شتا و ملي تطيح تنطلبو الستر والتسليم أرجال لبلاد. إوا إلا بغينا شتا نديرو ليها فين طيح ماشي على رؤوس أهالي القرى و المداشر الأبرياء. ففي نفس النشرة سمعت أنباء عن وفاة أطفال، نساء و رجال قرى نواحي ورزازات و مراكش و تزناخت وشاهدت كذلك تعليق الطفل الذي توفيت أمه و أخوه الأكبر بعد سقوط سقف( ماشي ديال لحديد و سيما بحال هدوك للي طاحو فغزة ) بيتهم المبني بالحجر و الطين. ذكرتني هذه المفارقة العجيبة بنكتة المعلم الذي سأل أحد التلاميذ: من الأقرب الصين أم القمر فأجاب التلميذ: القمر ؛ المعلم: لماذا؟ التلميذ لأن القمر نراه و الصين لا نراها. إوا هي هدي: غزة هي الأقرب إلينا لأننا نراها يوميا على قنوات التلفزيون أما أنفكو و تزناخت و آيت ورير وَ وَ وَ... فلا نراهم إلا فلي كارط بوسطال ديال لكوار و تنتعجبو: واوعلاه كاينين هاد لمناضر فالمغرب!؟
أطفال غزة مساكن عندهم لخيام يباتو فيهم و الأطباء إداويوهم و المدارس فاش إقراو ولكن خاصهم باش إلعبو.أما الأطفال ديالنا ما عندهم والو و ما تايطلبو والو؛ حيت ما عندهومش لوجه باش إطلبو.حتى هدوك للي بناو ليهم مدارس ديال لميكا تا معلم مابغاش إجي ليهم تم ولاو دراري مساكن تيقراو غير فجوامع بحال جماعة إمي ن وول و دواري أماسين و تيكلاتين نواحي ورزازات.
كاليك نجمعو تبرعات لأهل غزة. جمعو لملاين إعلم الله فين مشات. لحاصول أنا لست ضد التضامن مع أهل غزة فإنسانيتنا تحتم علينا ذلك ( أما حتى إسلاميا فيها مايتكال ) المهم أن لا نضرب بمعاناة أطفالنا عرض الحائط و نمد أيدينا مساعدةً للغير و نحن في أمس الحاجة إليها و لا حنا زعما كرماء لهاد الدرجة

hakikatan mangolo ghi bravo lik walakin 7tta li3lam l3b wahd ddawr fi saleh ghaza amma lmaroc non 3ndna kanawate mofabraca mn kbl 3iwad ikhdm cha3b ddaha fddi3aya lintakhabate mais 7tta cha3b 3ndo des defauts mangolo liha ghi trés grave et aussi base base ghatgolo 3lach ! oui cha3b howa lli wssl dak l3odw lli 3ta rokhssa bach ibniw ma3a l3ilm anna had lmanatik min bayn actar lmanatik tasswitan iwa ach tgol lhado ochkrna llah mlli caynine ssodod fdoc lmanatik imma rah carita cant ghatkone amma mochkil dyal tlj rah mnch7al hadi onnass cay3aniw ossactin 3lach ,,,,,,,,,,,,,llah a3lam hada howa lfark bin ghaza olmaroc ghaza ssowtat 3la lli ghaydafh 3liha ghaza galt la liddolm olissti3mar amma hna baki mssta3mrina lahzab 3iwad ykhdmo cha3b tari l3akss ...............wa ta7iya lichabab tagante

tanmirt agma f iwaliwn nk
merci pour votre passage
شكرا على الرد

جمافو..... جميل ان تتمرد